Katastroan ere Leza ondoa. Sailtxikia da. Honako oharra azaltzen da: Sail honen hego ekialdean leize txiki bat dago. Gaur egun zulo txiki bat besterik ez da gelditzen gainean eroritako lurra dela eta.

Ikus Lindara. Lindara sartuko dugu mapan baina hau ez.

Lonbide baserria da. Itxura guztien arabera, Bakategi da. Katastroan Bakategiren ordez, Lonbidekoen hitzetan (Baustegi/Bagustegui) dator. Hala ere, ahozkoa ez da izango idatzizkoaren kopia txarra? Informante egokia ote zen? Arangurentxoko eskrituretan ere agertzen da Bagustegui idatziz eta bertako nagusiak, Martin Elgarrestak, hau dio: "Lonbideko lehengo jabeek inguru horri Baketegi deitzen zioten"

Ikus Bakategiz Jabier Larrañagak dioena:

- Erreka bixen bittartian daon zirrindara hori? Hor basua-ta badao, ba?
- Bai, bai, bai… Egon… Bakatei, Bakatei esaten dotsau, Bakatei. Hori da… Basalgoko batena da.
- Dana, ez?
- Dana… bueno, hamen pusketatxo bat guria dao. Erreka ondotik hona pusketatxo bat geuria da, baiña hau gehixena berana da. Hau, beste honi Bakatei esaten dotsa harek. Guk esaten dotsau Aranguerreka, hau da, Aranguerreka izango da, ezta? E? Guk Aranguerreka. Ta gure mugarri dauka beste horrek sail haundixa daka horrek. Lonbidekua da, baiña Bakatei esaten dotse. Bakatei. Edo Baketei izengo da igual, Baketei edo… Bakatei… ez dakit nik zela izengo dan.

Ala Lubarriko laua?

Ez dago datu-basean, ezta oharretan ere *LUGAR* osagaia duen toponimoen lekukotza idazirik. Basalgon, gainera, ez da dokumentatzen LUBARRI, LUGARRI edo halakorik ere. Lekukotasunean Lugarreko jartzen badu ere, Ahotsak.comen LUGARRIKO LAUA transkribatu da.

Katastroan 50 lekukotasun inguru daude Lubarri/Lugarrirenak. Lubarri/Luberri hedatuagoa eta erabiliagoa da baina Lugarri ere maiz agertzen da, batez ere,  Iparraldeko auzoetan: San Juan, Basalgo, Osintxu...

Inguru honi dagokionez, katastrokoan bi partzela daude izen horrekin: bietan idatziz Lugarico laua jartzen du eta ahozkoa bakarrean dator (Tomas Osoro, Intxuzabal baserrikoa): Lugarriko laua.