Amaierako A artikulua da. Beraz, lekuzko kasuetan, NON kasuan izan ezik, galdu egiten du A hori. Bestalde, hitzak lehendik -KO baduenez, NONGO kasuan ez da KO errepikatzen. Hala, beraz, honako hau da erabilera egokia: Lesarribekoan bizi naiz, Lesarribeko lagunak ditut, Gure ama Lesarribekoa da, Lesarribekotik etorri naiz, Lesarribekora noa... Ostera, okerrak dira honelakoak: *Lesarribekoako lagunak ditut, Gure aita *Lesarribekokua da, *Lesarribekoatik etorri naiz, *Lesarribekoara noa