Ala Konpañiariztia? Bi lekukotasun idatzi daude datu-basean 18. eta 19. mendekoak: Compaña aristi. Katastroan badira 3 partzela txiki idatziz Compañia-arizti eta ahoz Konpañia aristi izenez jaso direnak.  Katastroan San Juanen kokatuta daude: bat Pagaldai baserrikoa eta beste biak Esperantzakoak dira. Lekukotasun batek dioenez, Ubera eta San Juanen arteko muga izango da bertan.

Gure datu-basean ez dago idatzizko lekukotasunik. Katastroan, aldiz, izen hori duen tokian hainbat partzela ageri dira. Ahoz A bakarrarekin agertzen dira (LESAN) eta idatziz ere bai gehienetan baina idatziz badira bi lekukotasun etxe bereko bi sailekin lotuak: LESA-AN eta  LESA-AN-ALDEA.

Izan liteke jatorrian LEZARAN? Aldaiegian bada izen horretako aurkintza eta errekatxo bat. Kasu honetan bezala ahoskatu bi eratara egiten dela ematen du eta idatziz batzuetan LEZAN eta beste batzuetan LEZARAN agertzen da. Akaso Elgetako dokumentazioan begiratu beharko da??

Leizeren bat egongo da inguruan?? Ez dago idatzizko lekukotzarik.

Hiztegian hainbat lekukotasun daude: Agostuan Lezan-go itturrixa agortu eitte zan / Ijittuak dare Lezan-en./ Kontradantzia lenao badakik zeri esate zotsen? Trikitixia bakarrik permitiduta zeuan lekuan, agarraua eitten zebenei, kontradantzia. Enee..., kontradantzia eittera e, ama-zanai najaok ni entzunda, zera, permititzen ez Uberan, San Paulon agarrauan itten, da Lezan-era etorri, tta kontradantzia eitten. Klem./ Uberan ezin zala agarrauan eiñ eta Lezanera etorri; zuen tio Tomasek soiñua jo, ta dantzan jota fuego./ Egundoko txorrua dauka Lezango itturrixak.

Transkribapenean ikusten da informanteak ez zekiela ondo izena. Ezin da aintzat hartu.

Bergarako Euskeran, Caserios de Guipuzcoan eta baita Erroldan ere baserri bakartzat (bi bizitzako baserritzat) agertzen dira Markiegi eta Markiegitxiki. Horientzat Markiegi eta Markieginagusi baserriak daude, lehenengoa bi bizitzakoa.