Subcategories: Udala | HIRIA | Eremu azpimunizipala | AUZOA | AUZUNEA | KALE-AUZOA | Naturgunea | HERRILURRA (terreno concejil)

Goimendia

Noiz:ig., 05/30/2010 - 17:53, nork:admin

Koordenatuak	X541308 Y4772329 (b5m)
Arautze egoera	Lehenetsia, Euskaltzaindiarekin aztertua
Arautze data	2011
Auzoa	Angiozar
Elem. geografikoa	AUZUNEA
Hizkuntza erabilera	Amaierako A artikulua da eta, beraz, izen arruntak (mendi, etxe...) bezala deklinatuko da: Goimendia, Goimendiak, Goimendiari, Goimendian, Goimendiko, Goimenditik, Goimendira
Oharrak	Hainbat izen erabiltzen badira ere, orokorrena eta gehien erabiltzen dena Goimendia dela esango genuke

• Gehitu iruzkin berria

Aranerreka

Noiz:al., 08/07/2006 - 15:17, nork:estepan

Koordenatuak	X548938 Y4774809 [Z_13528, K_074_1170]
Arautze egoera	Udalak ofizialki onartua
Arautze data	2011/03/28
Arautzeari buruzko azalpenak	- Arane ("erreka" gabe) aukeratzekotan, Arana izan beharko lukeela dio Euskaltzaindiak. Ahoz Arane eta Aranerreka biak erabiltzen dira eta horregatik auzoa Aranerreka izendatzea erabaki da . - Euskaltzaindia, 2010: "Bi aukera izan litezke kasu honetan: Arana auzoa edo Aranerreka auzoa. Euskal Herri osoan dokumentatzen da Arana toponimoa eta arruntki ahoz Arane eta Arene ditugu. Amaieran -e ageri da deklinabidearen okerreko analisiaren ondorioz artikuluduna denez Arana, baina Araneko, Aranetik, Aranera esan behar delako. Bigarren pausua izaten da Arene esatea bokalen arteko armonia dela medio. Bata zein bestea ez da onargarria. Arana baserri izena ere badenez Aranerreka erabil daiteke auzoa izendatzeko, ahozko erabileran formarik erabiliena Aranerreka dela ematen baitu."
Auzoa	Aranerreka
Elem. geografikoa	AUZOA
Hizkuntza erabilera	Amaierako A berezkoa du hitzak eta, beraz, deklinabideko kasu guztietan mantenduko du: Aranerreka, Aranerrekak, Aranerrekari, Aranerrekan, Aranerrekako, Aranerrekatik, Aranerrekara
Oharrak	GFAn bereiztu egiten dira ARANE auzoa (auzoaren eremu osoa) HARANE AUZOA (baserriak); ARANERREKA auzo eta/edo izen urbanoa (normalean, herritarrek BOLU izenez ezagutzen duten eremu osoa) eta HARANE ERREKA kalea. Guretzat lehenengo biak ARANERREKA auzoa dira eta laugarrena ARANERREKA kalea. Hirugarrena ez dugu jaso.
Kanpoko loturak	· bergara.net-eko aurkezpena

Irudiak

• Gehitu iruzkin berria

Kokoteauzoa

Noiz:ar., 12/22/2009 - 11:59, nork:admin

Koordenatuak	X547891 Y4775150 (b5m)
Arautze egoera	Lehenetsia, Euskaltzaindiarekin aztertua
Arautze data	2011
Auzoa	Aranerreka
Elem. geografikoa	AUZUNEA
Hizkuntza erabilera	Amaierako A artikulua da eta, beraz, izen arruntak (mendi, etxe...) bezala deklinatuko da: Kokoteauzoa, Kokoteauzoak, Kokoteauzoari, Kokoteauzoan, Kokoteauzoko, Kokoteauzotik, Kokoteauzora

• Gehitu iruzkin berria

Aritzeta

Noiz:al., 08/07/2006 - 15:17, nork:estepan

Koordenatuak	X548382 Y4772633 [Z_16874, Z_15470, Z_15469, K_074_3330]
Arautze egoera	Udalak ofizialki onartua
Arautze data	2011/03/28
Arautzeari buruzko azalpenak	- Bergaran, santu-izenez ezagutzen ziren zenbait auzori (San Prudentzio, San Kristobal...) izen hura kendu eta toki-izen zaharrean oinarritutakoak jarri zitzaizkien: Elorregi, Aldaiegia... Hala ere, bazen auzo bat erdibidean utzi zena: Aritzetako San Migel. Euskaltzaindiaren irizpena honakoa izan da: "Euskaltzaindiaren gomendioa izen sinpleak (Lizaria kalea, San Lorentzo kalea...) erabiltzearen aldekoa da, erabiltzaileek modu bateratuan erabiltzea errazten duelako". Hala, beraz, besteekin aplikatu zen irizpide bera aplikatuz, Aritzeta izena jartzea erabaki du Udalak. Auzo honek tontorrune bat du eta bertan daude San Migel ermita, San Migel baserria eta San Migel gaina. Proposamen berriarekin, auzoari Aritzeta deituko litzaioke eta San Migel tontorrunearentzako eta bertako elementuentzako utzi da.
Auzoa	Aritzeta
Elem. geografikoa	AUZOA
Etimologia	aritz + -eta (atzizkia)
Hizkuntza erabilera	Amaierako A berezkoa du hitzak eta, beraz, deklinabideko kasu guztietan mantenduko du: Aritzeta, Aritzetak, Aritzetari, Aritzetan, Aritzetako, Aritzetatik, Aritzetara
Kanpoko loturak	· bergara.net-eko aurkezpena

• Gehitu iruzkin berria

Launtsaras

Noiz:al., 08/07/2006 - 15:17, nork:estepan

Koordenatuak	X547258 Y4772648 (b5m)
Arautze egoera	Lehenetsia, Euskaltzaindiarekin aztertua
Arautze data	2011
Auzoa	Aritzeta
Elem. geografikoa	AUZUNEA
Oharrak	Baserria hala arautu zen 2002an.

• Gehitu iruzkin berria

Askarruntz

Noiz:ol., 09/07/2007 - 08:30, nork:admin

Koordenatuak	X546638 Y4772930 [Z_15714, Z_16872, K_074_3440]
Arautze egoera	Udalak ofizialki onartua
Arautze data	2011/03/28
Arautzeari buruzko azalpenak	1993an "Azkarruntz" arautu zen eta 2011n aldatu egin da harrez gero lortutako informazioan oinarrituta. Euskaltzaindiaren irizpena, 2010: "Azkarruntz idazkera etimologizalea berria da eta hori dela eta baztergarria dela dirudi. Dokumentazioan S-rekin ageri da. "
Auzoa	Askarruntz
Elem. geografikoa	AUZOA

• Gehitu iruzkin berria

Basalgo

Noiz:al., 08/07/2006 - 15:17, nork:estepan

Koordenatuak	X545434 Y4778098 [K_074_2430, Z_15513, Z_16124]
Arautze egoera	Lehenetsia, Euskaltzaindiarekin aztertua
Arautze data	2011
Auzoa	Basalgo
Elem. geografikoa	AUZOA
Etimologia	baso + al(tu) + -ko/-go (leku genitiboa, ozenen ondoren -go erabiltzen da)
Kanpoko loturak	· bergara.net-eko aurkezpena

• Gehitu iruzkin berria

Goimendia

Noiz:al., 08/07/2006 - 15:17, nork:estepan

Koordenatuak	X544657 Y4779119 []
Arautze egoera	Lehenetsia, Euskaltzaindiarekin aztertua
Arautze data	2011
Arautzeari buruzko azalpenak	Ahoz Goimendia nahiz Goimendi, bietara, esan ohi da. Amaierako -a artikulua da eta deklinatzean zenbait kasutan -a desagertzeak -a hori galtze-bidean jarri du. Hala ere, kasu honetan oraindik ere bizi-bizirik dago eta halakoetan Euskaltzaindiaren irizpidea mantentzearen aldekoa da.
Auzoa	Basalgo
Elem. geografikoa	AUZUNEA
Hizkuntza erabilera	Amaierako A artikulua da eta, beraz, izen arruntak (mendi, etxe...) bezala deklinatuko da: Goimendia, Goimendiak, Goimendiari, Goimendian, Goimendiko, Goimenditik, Goimendira
Oharrak	GFAko B5M-n Elgetako auzoa (Elgetako auzoa ere bada Goimendia, Basalgoko Goimendiarekin bat egiten duena), GOIMENDI dator eta Euskadi.net-en ere Bergarakoa (izan liteke Angiozarrekoa, han ere bai baitago izen bereko beste auzune bat) GOIMENDI. Normalena izango litzateke biak GOIMENDIA arautzea. Bestalde, merezi du Angiozarko Goimendia eta Basalgoko Goimendia bereizten hastea? Elgetako mapan zela ote dator: Goimendia ala Goimendi? ///- ...bolatokirik ez ta herrixak ipini bihar dabela bolatokixa ta ez dakit zer ta... Bueno, orduko baeuezen Goimendixan, Asentzion... - Goimendin oin be eingo zeben [ kanpeonatua], aurten be. - Bai, aurten be kanpeonatua egon dok. Goimendixan nere akordu guztian. Hizlaria(k): Sarasketa, Lucio Herria: Elgeta (Gipuzkoa) Elkarrizketatzailea(k): Asier Sarasua Aranberri, Iban Arantzabal

• Gehitu iruzkin berria

Buruñao

Noiz:al., 08/07/2006 - 15:17, nork:estepan

Koordenatuak	X547605 Y4775853 [K_074_2520, Z_13536]
Arautze egoera	Udalak ofizialki onartua
Arautze data	2011/03/28
Arautzeari buruzko azalpenak	- Bere momentuan Murinondo izena jarri zitzaion auzoari. 1993an, behar beste informaziorik ez zegoelako, zegoenetan utzi zen. Harrez gero jaso den informazioak garbi uzten du izenaren jatorria Burunano/Buruñano dela eta gaur egun ere erabiliak direla Buñao/Muñao. Gaur egun San Blas izenez ezagutzen den ermita ere XVIII. mende ingurura arte "Nuestra Señora de Burunano/Buruñano/Buroñao" izenez ezagutzen zen. Buruñao horrek, jakina, ermita dagoen inguruaren izena adierazten du San Miguel de Aritzetan adierazten duen bezala. Horregatik Euskaltzaindiaren irizpenari jarraiki, 2011n izena aldatzea erabaki da. - Euskaltzaindia, 2010: "Izenaren bilakaera honakoa da: Buruñano > Buruñao > Muruñao. Bokal arteko -n- erortzea euskararen ezaugarri fonetiko zaharra da (latinetik hartutako hitzetan dugu: harea, katea...) baina B>M aldaketa XX. mendearen hastapenekoa da eta ez da onargarria." - "Buruñao/Buruñaondo" banaketari dagokionez, dokumentazioaren arabera, joera nagusia honakoa da: Buruñao auzoari deitzea eta Buruñaondo baserriei. Hori dela eta Udalak Buruñao izena erabaki du auzoa izendatzeko.
Auzoa	Buruñao
Elem. geografikoa	AUZOA
Oharrak	GFAn MURIÑONDO. Zuzendu gaurkoak. Modu desberdinetan daude. Lekukotza gehiago egon behar dute derrigor. Baserria Agirreburuñao normalizatu zen.
Ikusi	San Blas (toponimo).
Kanpoko loturak	· bergara.net-eko aurkezpena

Irudiak

• Gehitu iruzkin berria

Mekolalde

Noiz:al., 08/07/2006 - 15:17, nork:estepan

Koordenatuak	X547823 Y4776965 [Z_13733]
Arautze egoera	Lehenetsia, Euskaltzaindiarekin aztertua
Arautze data	2011
Auzoa	Buruñao
Elem. geografikoa	AUZUNEA
Oharrak	GFAn MEKOLALDE auzoa. Mekolalde osagaia askotan agertzen da datu basean eta kasu bakarren batean izan ezik beti M-rekin. Berez, Mekolalde Osintxu, Basalgo eta Buruñaoko zati da.

• Gehitu iruzkin berria